Обожавателите на Џастин Бибер сигурно се воодушевиле кога го виделе својот идол, овој пат направен од сирење. Овој необичен потфат е дело на досетливите маркетиншки експерти од компанијата „Примула“ која се занимава со производство на сирење. Сликата од сирење на Бибер ја направил „уметникот за храна“ Феј Халидеј, кој освен Џастин, од сирење ги има изработено и Барак Обама, Мерлин Монро и некои други познати личности.
Крег Брукс, директорот за маркетинг во „Примула“ изјавил:
– Сакаме да покажеме дека намазот од сирење е употреблив на повеќе начини и дека навистина ги инспирира нашите потрошувачи кои ни испраќаат најлуди рецепти. Тоа всушност, ни даде идеја малку да се забавуваме и да почнеме со изработка на портрети на славните ѕвезди од сирење.