Има ли нешто поромантично од моментот во кој една личност од кралско семејство се жени со девојка од народот? Дали ова ви звучи познато? Не, сега не станува збор за принцот Вилијам и Кејт Мидлтон, туку за новата кралска двојка од Бутан.
За раскошната венчавка на Вилијам и Кејт се зборуваше и неколку месеци потоа, но сега е време нивната приказна да ја засени нова кралска венчавка.
Станува збор за 31 – годишниот крал на Бутан, кој го нарекуваат Драгон Кинг и неговата избраничка, 21 – годишната студентка Јетсун Пеми, кои се заколнаа на вечна љубов.
Кралот Џигме Кесар Намгел Вангчук се оженил за љубовта на својот живот во согласност со скромна будистичка традиција, без разни лудости и познати лица како на британското кралско семесјтво.
Тоа било свечен ритуал на двајца заљубени кои се познаваат веќе 14 години, уште од детството. За разлика од своите прретходници, Џигме Кесар Намгел Вангчук ќе има само една сопруга што е голема промена во однос на традицијата.