Бред Пит овој имот го имал купено за околу 8,4 милиони долари во 2004 година, неколку месеци пред неговата тогашна сопруга Џенифер Анистон да поднесе барање за развод, а станува збор за прекрасен имот кој се протега на 5100 квадратни метри во Малибу, Калифорнија.
Актерот моментално не живее во оваа куќа, бидејќи со неговата невенчана сопруга Анџелина Џоли живеат во куќата во Њу Орлеанс. Всушност, Пит со Анџелина и нивните шест деца живеат во неколку куќи низ целиот свет: во дворецот во Франција, стан во Лос Анџелес, вила во Италија, куќа во Њу Орлеанс, викендица во Грција и имот во Лондон. Според нашите пресметки, тоа е еден имот за секое дете.
Имотот на Бред Пит е на продажба уште од август, но дури сега јавно се објавени фотографии на куќата за која Бред Пит се обидува да заработи нешто повеќе од 13.000.000 $. Оваа куќа е изградена во 1962 година, и содржи четири спални соби, четири купатила, и околу 306 квадратни метри простор за живеење.
Куќата пред неколку години е реновирана под будното око на познатиот архитект Крис Соренсон, така да сега има стаклени ѕидови и под од темен бамбус. Од имотот се протега прекрасен поглед на Тихиот Океан.
