Повеќе стотици луѓе се собраа низ улиците на Љубљана, Подгорица, Сараево, кои се приклучија на глобалниот протест против „капиталистичкото насилство и алчноста“ на банките и корпорациите, под слоганот „Обединети за глобални промени“.
Повиците за учествување на протестите, кои се одржуваа како порддршка на „Окупирајте го Вол Стрит“ во Њујорк, биле упатувани преку социјалните мрежи.
На протестите во Словенија, во Љубљана се собрале околи 300 луѓе, а нешто помалку во Марибор и Копер.
Повеќе стотици граѓани се собрале и во Сараево, Подгорица. На овие средби може да се видат паролите против неолибералниот капитализам „Доле капиталистичка диктатура“ или „Друг свет е можен“.
Организаторите најавиле собири во повеќе од 70 земји, во 868 градови низ целиот свет во Европа, Јужна и Северна Америка, Азија и Африка.
Протестите во Америка се одржуваат со денови во Чикаго, Лос Анџелес, Сан Франциско, Вашингтон и Њујорк.
httpv://www.youtube.com/watch?v=bnnbxI9Pnuo