Американскиот рапер Кание Вест на Париската модна недела, ја претстави својата прва самостојна колекција која не пропуштила да ја погледне ни уредничката на американскиот Vogue, Ана Винтор.
По успешната кариера како музичар Кание Вест посакал да си поигра како дизајнер и својата прва колекција ја презентираше на модните критичари.
Неговата ревија ја погледнаа близначките Мери Кејт и Ешли Олсен, како и злочестата холивудска девојка Линдзи Лохан. Она што го понуди пред пребирливата модна публика е колекција во која доминираат црна и бела боја со нота на гламур и сексапил.
Многу познати убавици сигурно ќе скокнат во парчињата со потпис од познатиот рапер, но дали тоа ќе биде доволно за да го придобие вниманието на Ана Винтор?
