Конвој на либиски оклопни возила придружувани од војската на Нигер, во понеделникот пристигнале во градот Агадез кој се наоѓа на северниот дел на Нигер, известува AP, повикувајќи се на француски и нигерски воени извори. Конвојот се состоел од 200-250 возила на либиската војска, а во Нигер веројатно пристигнале од Алжир. Се уште не е е познато дали во конвојот се наоѓа Моамер Гадафи со неговото семејство.
Француски воени извори шпекулираат дека Гадафи би можел да се наоѓа во конвојот, бидејќи добиле информации дека тој е на пат кон Буркина Фасо, која му понудила азил.
Ибрахим Муса, портпаролот на Моамер Гадафи во понеделникот изјавил дека Муамер Гадафи се наоѓа во Либија и дека е со добро здравје и дух.
Границата со Нигер ја преминале многу Либијци, меѓу кои и многу борци на Гадафи од племето Таурег.