Експерти и жители на еден мал град на Филипините фатиле слатководен крокодил кој бил тежок еден тон, и од него сакале да направат ѕвезда во еко-паркот на југот од земјата.
Градоначалникот Кокс Елорде, изјавил дека група на експерти и локални селани после три-недели успеале да го уловат 6,4 метрскиот крокодил, во близина на градот Бунаван во провинцијата Агусан дел Сур.
Според пишувањето на АП, тој е еден од најголемите крокодили што некогаш биле живи фатени на Филипините.
Елорде изјавил дека пред извесно време крокодилот убил бик, а постои сомневање дека е одговорен и за исчезнувањето на рибар во јули годинава. Тој исто така додал дека крокодилот ќе биде туристичка атракција во околниот еко-парк.