Водечкиот светски произведувач на бои за автомобили, “ДуПонт”, го објавил 58. годишен извештај на популарноста на автомобилските бои. И оваа година најчест избор на купувачите на светско нови се автомобили во сребрена боја (26 отсто), но сребрената боја не е повеќе популарна како некогаш. Тоа го докажува статистиката на произведувачите кои црната боја со 24 отсто ја сместуваат на втората позиција. Следат блеата и сивата боја (16 отсто), црвената (6 отсто), сината (5 отсто), смеѓата (3 отсто), зелена (2 отсто) и жолта односно златна (1 отсто). Европските купувачи во најголем број случаи се одлучуваат за црната боја (24 отсто), а следат сивата (19 отсто), сребрната (17 отсто) и белата (14 отсто). Интересот на купувачите за белата боја, која во 2007. и 2008. година беше хит, наеднаш опадна за 30 до 40 отсто.