Најчесто тие се млади, слободни и лесно се впуштаат во авантура со женети мажи. Тие имаат голема предност пред сопругата, но тие ретко ја добиваат играта. Зошто тогаш го прават тоа?
Паметните жени знаат дека богатиот љубовник може да им гарантира луксуз само привремено. Да бидеш љубовница на женет маж воопшто не е лесно. Месеци и години се губат во ваква врска со минимална перспектива. И тоа по свој сопствен избор. Љубовта преминува во тежок крст и сепак го прават. Зошто?
Голем дел од тие жени се деца на разведени родители, кои уште од мали се најасно со неверството кај нивните родители и затоа не веруваат во љубовта за цел живот. И потсвесно го бараат во лицето на повозрасниот маж таткото кој им недостасувал.
Наивните девојки веруваат на лагите на својот љубовник дека ќе се разведе, дека долго време веќе нема ништо со својата жена, дека не спие со неа, дека сеуште не ја напуштил само поради децата…Сите овие приказки се само обична лага.
За мажот е најлесно да си остане таму каде што бил досега, таму каде навикнал, а не да му се наложи да почнува се од почеток, како и да минува низ непријатен развод. И покрај љубовницата, многу мажи си ги сакаат своите сопруги и не сакаат да ги изгубат.