Околу 11.30 часот македонските кошаркарски легенди пристигнаа на скопскиот аеродром “Александар Велики“ предводени од капитенот Перо Антиќ.
На аеродромот прва ги пречека министерката за внатрешни работи Гордана Јанкулоска, како и илјадници обожаватели кои дојдоа на аеродромот.
Селекторот Марин Докузовски изјави дека не им треба никаков медал по ваков пречек, и дека македонските граѓани се нивниот медал.
Владо Илиевски ја повтори славната изјава со која ги насмеа и расположи сите присутни обожаватели на аеродромот кои повторуваа по него “Леле, луѓе, што направивме?“…
