Боксерската легенда Мухамед Али тајно бил префрлен во болница, откако колабирал во својот дом во Феникс. Брзата помош и полицијата потврдиле дека женски глас побарал помош вчера околу 18:30 часот. Женскиот глас, се претпоставува дека бил на сопругата на Али, Јоланда, која рекла дека постар маж загубил свест.
Се претпоставува дека 69 годишниот Али е во завршната фаза од лошата Паркинсонова болест, од која боледува повеќе од 30 години. Но доколку семејството навистина повикало брза помош, тогаш состојбата му е влошена изјавиле блиски пријатели.
Колку време поминал во болницата не е познато.