Околу 1.000 астероиди доволно големи за да предизвикаат катастрофална штета ако удрат во Земјата, се наоѓаат релативно блиску до нашата планета, објавила НАСА, по завршувањето на проектот “Spaceguard” (свемирска стража).
Американскиот Конгрес ја задолжил НАСА да ги следи сите астероиди кои може да бидат опасни за Земјата. НАСА со користење на телескоп WISE, проценува дека во нашиот состав има окол 20.000 комети и астероиди со дијаметар поголем од 140 метри кои можат да бидат опасни за Земјата.
Небесните тела со дијаметар помеѓу 140 метри и илјади метри може да уништат цел еден регион, а ако во Земјата удрат тела поголеми од овие, штетата ќе биде многу поголема, објаснува Ејми Мајнецер од лабораторијата на НАСА “Jet Propulsion” во Пасадена.