Како и што се очекуваше, последниот ден од трансфер периодот донесе неколку шокантни трансфери. Да направиме мал преглед.
Арсенал по понижувачкиот пораз од Јунајтед во неделата сфатил дека мора да се засили. Венгер во своите редови ги доведе: Пер Мертецакер, Андре Сантош, Микел Артета и Јоси Бенајун. Од овој тим доаѓа и информацијата дека Никлас Бентнер замина на едногодишна позајмица во Сандерленд.
Ливерпул во последните денови од преодниот рок направи неколку трансфери. На големо изненадување на Енфилд го врати Грег Белами, и го донесе дефанзивецот Коатес. Чудно, но Далглиш го продаде можеби најдобриот фудбалер од ланската сезона, Раул Меирелеш, и тоа на Челзи за 12 милиони фунти. Од Ливерпул на едногодишна позајмица во Лил си замина и Џо Кол.
Други поинтересни трансфери од Англија се: Овен Харгривс изненадувачки во Сити, Шон Рајт Филипс во КПР, Џермејн Џенас и Алан Хатон од Тотенхем во Астон Вила, Брајан Руиз во Фулам, Питер Крауч во Стоук, Ројстон Дренте во Евертон, Аегбени Јакубу во Блекбурн.
Во Италија пак и немаше некои екстремни трансфери. Интер го доведе Мауро Зарате на едногодишна позајмица, како и играчот на Бреша Лоренцо Таси. Клубот го напуштија Давиде Сантон и Нелсон Риваз. Милан на Сан Сиро го донесе Антонио Ночерино, додека пак клубот го напушти Масимо Одо кој замина во Лече. Јуве се засили со холандскиот интернационалец Елјеро Елиа, но чудно не се ослободи од Винченцо Јакинта и бразилецот Амаури. Рома се засили со Симон Кјаер, Фернандо Гаго, Фабио Борини и босанецот Миралем Пјанич.