Базенот со солена вода во кинеската провинција Сичуан е популарен меѓу населението и како да целата Дајинг област, во која се наоѓа, тргнала да се избања баш во исто време.
Во прашање е најголемиот воден парк во Кина, кој се простира на 30 илјади квадратни метри и може да прими до десет илјади капачи. Се проценува дека ова лето преку милион луѓе ќе го посетат овој базен, популарно наречен „Мртво море“. За капење во овој базен важат строги правила, па така забрането е нуркање, а земајќи го во предвид бројот на луѓе во вода, тешко дека некој ќе може нешто да направи освен да плута во место.
Ова вештачко море направено е со користење на сол со која е богат овој регион, и содржи 43 различни видови на минерали и микроелементи. Поради високиот салинитет кој достигнува и до 22%, капачите можат само да плутаат по површината, баш како во вистинското Мртво море на Блискиот исток.