Најсмрдливиот човек на светот не се избањал 37 години

Фармер од Индија донел одлука дека нема да се бања и нема да ја пострижува косата, а тоа го почитува веќе скоро 40 години.

65- годишниот Каилаш Синг е можеби најсмрдливиот човек на целиот свет. Откако се оженил во 1974 година одбива да се бања. Тоа бил совет кој го добил од еден свештеник кој му рекол дека на тој начин ќе добие син.

Синг има седум ќерки и не се откажува од апстиненција на хигиена за да го добие посакуваниот наследник. Членовите на семејството не престануваат да го наговараат да се избања, а неговата сопруга е таа која најмногу сака да го види чист својот сопруг.

Таа раскажала дека еднаш се обидела да го турне во вода, но тој пружил голем отпор.

“Рече дека попрво би умрел одошто да се бања и само син може да го натера да го промени мислењето. Поминаа толку години што веќе се навикнав“, рекла сопругата на “смрдливецот“ Калавати Деви.

Сопругата му се заканила дека нема да спие со него додека не се избања, но ни тоа не го исплашило за да се премисли.

“Немам син, нема никогаш да се избањам. Можеби ако се родам повторно“, рекол Синг.

Извор: Нетпресс