Париз – наследничката на козметичката компанија Лореал (L”Oreal), Лилијан Бетанкур наводно боледува од деменција и алцхајмеровата болест, а за неа се грижат ќленови на семејството, изјавил адвокатот на нејзината ќерка по сослушувањето.
За милијардерката Бентакур, чие ментално здравје се повеќе се влошува, ќе се грижи нејзиниот внук, додека за нејзиното богатство и имотот нејзината ќерка и двајцата внуци.
Ќерката побарала од судот да се даде старател за нејзината мајка, бидејќи таа се наоѓа во одборот на директори на Лореал, а бидејќи нејзините старатели ќе се членови на семејството, одлуката на судот нема влијание за раководството на козметичкиот гигант.
Мајката и ќерката Бетанкур многу често биле во центарот на вниманието на медиумите поради конфликтите за судбината на третото по големина богатство во Франција.
Бетанкур Мајерс тврди дека нејзината мајка е ментално неспособна да го води целото богатство и империјата проценета на 16 милијарди евра.
Додека во интервју објавено минатиот викенд, Бетанкур се заканила дека ќе ја напушти Франција доколку нејзината ќерка успее со своите планови да и најде старател.