Не може да спие, зошто напален дух ја допира и фаќа

Една британска старица, некогашна негувателка во домот за пензионери, се жали дека не може да спие, бидејќи во ноќта во нејзиниот кревет доаѓа дух кој ја фаќа.

„Духот е како октопод. Се започна пред околу четири месеци. Една ноќ едноставно почувствував како ме допираат две морничави раце. Започнав панично да ги удирам и престанаа. Следниот пат кога се појави, ја фрлив постелнината на него”, објаснува 73-годишната Дорис Бирч.

„Но духот постојано се враќа. Го фрлив стариот душек и купив нов, но ни тоа не помогна. На крај се и раскажав на својата 16-годишна внука која мислеше дека се шегувам. Таа не беше сама во тоа, луѓето мислат дека сум луда или осамена, но тоа не е вистина. Сакам да бидам сама, но на ова не можам да му ставам крај и мислам дека наскоро ќе морам да повикам истерувач на духови”, продолжи очајната старица.

Побарала помош и од некој свештеник кој и рекол дека веројатно станува збор за изгубена душа, и не знаел како да и помогне. Сепак, за помош се пријавиле Реј и Берил Херн, локални истерувачи на духови, кои мислат дека ќе можат да го истераат напалениот дух.