Сите знаеме колку е тешко да се состави сложувалка од 500, 1000 па и 2000 парчиња. Замислете како би било да составувате сложувалка со 551 323 парчиња. Браво за трпението на студентите од еден универзитет во Виетнам, кои успеаја да влезат во Гинисовата книга на рекорди кога ја составија најголемата сложувалка на светот.
Сложувалката има површина од 354 м2 и е со димензи 14.85 х 23.20 м, а на неа е прикажан розев лотосов цвет со шест ливчиња, а во средина на цветот е виетнамското знаме. На сложувалката е испишан слоганот „Еден живот, еден сон, една моќ, светски рекорд“.
За составување на сложувалката биле потребни 1600 луѓе и 17 часа напорна работа. Виетнамската сложувалка го сруши рекордот од 2002 година, кога во Сингапур беше составена сложувалка од 212 323 парчиња.