Проектот “Арката” е дизајниран од страна на руската фирма “Remistudio” со помош на “Меѓународната унија на архитекти”. Куполата на хотелот е изработена од дрвени сводови, челични кабли и пластика. Хотелот може да се адаптира и на земја и на вода. Тој е дизајниран на овој начин со цел да преживее и во случај на големи поплави или зголемување на нивото на морето. Има интегриран енергетски систем со непрекинато напојување од алтернативни извори на енергија. Хотелот користи соларни панели и систем за снабдување со вода преку систем за собирање и прочистување на дождовница. Површината на проектот изнесува 14 000 квадратни метри и претставува затворен систем кој сам си ги обезбедува основните потреби како вода и енергија.
