Минатата недела официјално беше објавен постерот за филмот “Во земјата на крв и мед”, режисерското деби на Анџелина Џоли. Денес беше објавена галерија на нови фотографии од снимањето на сцени од филмот.
Во филмот се раскажува за војната во Босна и љубовната приказна помеѓу Босанката Ајла (Зана Марјановиќ), која е заробена и за Србинот Даниел (Горан Костиќ), кои беа во љубовна врска пред почетокот на војната. Во филмот исто така глумат и Раде Шербеџија, Ванеса Глоџо, Алма Терзиќ, Ермин Сијамија, Јелена Јованова и уште неколку актери од нашите простори.
Филмот е снимен на босански и на англиски јазик. Филмот “Во земјата на крв и мед” ќе бидe прикажан во некои театри низ САД започнувајќи од 23 декември, а пошироката дистрибуција ќе започне во јануари.
