Фудбалерот на Милан, бразилецот Александре Пато ќе биде надвор од терените 4 недели, откако се повреди на натпреварот против Удинезе во средата, кој заврши 1-1. Пато беше заменет во 21-вата минута поради наводна повреда на тетивата под коленото.
Сепак, официјалниот сајт на Милан објави дека Пато го повредил бицепсниот мускул во неговиот десен бут и дека бразилскиот репрезентативец ќе отсуствува еден месец.
Поранешниот играч на Интернационал ќе пропушти два натпревари од Лигата на шампионите и неколку натпревари во Серија А.
Шампионите на Италија во моментов се наоѓаат на 14-тата позиција на табелата, и се уште немаат забележано победа.