Во оквирот на овогодишната Геј парада во Белград, на 2 октомври, официјално ќе биде основана Партијата за сексуални права, соопштило Здружението на граѓани ЛГБТ форумот на Србија.
“Како долгогодишни ЛГБТ активисти и борци за човекови права, верувам дека сега е време да се постигне темелна промена во рамките на ЛГБТ заедницата во Србија”, се вели во соопштението.
“Затоа во оваа прилика сакам јавно да го објавам формирањето на оваа политичка партија”, се вели во соопштението на форумот и истакнале дека Партијата за сексуални права ќе “учествува во претстојните парламентарни избори.”
Основните принципи на Партијата за сексуални права ќе биде промоција на сексуалните еднаквост и заштита на правата на ЛГБТ луѓето во Србија.
“Во овој важен потфат, имаме отворена поддршка на голем број на ЛГБТ активисти од Србија и регионот, како и многу европски невладини организации и европски парламентарци”, се вели во соопштението форумот.
“Ги повикуваме сите граѓани на добра волја и Европски ставови со нивното присуство да ја подржат Геј парадата во Белград, како и официјалното основање на Партијата за сексуални права”, се наведува на крајот од соопштението.