Пипа ќе пишува книга за добро “журкање”, и ќе заработи 400,000 фунти! А некој ќе напише научен труд и ќе добие “буре со купуз”:)

Помладата сестра на Војвотката од Кембриџ, добро ќе си ја искешира славата заработена поради нејзиниот задник, на кој му се восхитува цел свет откако беше покажан на кралската свадба.

Пипа Мидлтон е веќе позната како party-девојка, а сега ќе напишела книга за тоа како да се организира добра забава. Книгата наводно ќе ја пишува сама и ќе добие хонорар од неверојатни £ 400,000. Издавачите во Велика Британија жестоко се борат за фактот кој ќе биде издавачот на Пипа за книгата, додека нејзиниот агент изјавил дека тие се веќе избрани и потпишале договор.

HarperCollins и Random House биле многу заинтересирани за објавата на книгата, но нив ги надминала издавачката куќа Penguin.

Пипа, наводно изјавила за пријателите минатата недела дека сама ќе ја пишува книгата и ќе работи на тоа неколку часа на ден.

Извор близок до британката, според британските медиуми, изјавил дека во книгата ќе се најдат рецепти за забави, но и анегдоти од некои од забавите на кои таа присуствувала. Исто така, британските медиуми објавиле дека Војвотката од Кембриџ, Кејт ја поддржува својата сестра во пишување на оваа книга.