Оваа зима плетените модни парчиња се повторно „ин“, што значи дека во својот гардеробер сезонава мора да имате неколку плетени парчиња. Дизајнерите понудија многу интересни дизајни на туники, џемпери и модни додатоци исплетени во најразлични бои.
Најинтересни модни парчиња се секако џемперите и туниките, кои најдобро може да ги искомбинирате со хулахопки и хеланки и интересни парчиња накит. Освен облеката, оваа сезона во тренд се и плетени модни додатоци, како чанти и накит.
Што се однесува до боите, оваа сезона можете да изберете од целиот спектар на бои, а особено се популарни земјените нијанси, но и оние впечатливите. Не се плашете да искомбинирате различни бои и принтови. Оваа сезона „ин“ се и светлите бои, па можете да изберете џемпер во интересна и живописна боја кој ќе го искомбинирате со црни или темни хеланки или панталони.
