При секој допир на Роналдо со топката на Mаксимир ечеле трибините скандирајќи го името на Меси , но португалскиот фудбалер само се смешкал на провокациите на навивачите, и во секој негов потег демонстрирал висок стил на игра.
Роналдо на натпреварот не се покажал во најдоброто светло, но Реал сепак освоил три бода во првото коло во групата Д во Лигата на шампионите .
„ Важно е да се започне добро во Лигата на шампионите, ги победивме, и затоа сум задоволен“, на кратко изјавил Роналдо кој не го криел своето огромно незадоволство поради судењето на норвежанецот Одовар Моен. Конкретно станува збор за ситуација од второто полувреме кога Роналдо тргнал топка заедно со Јерк Леко, кој успеал да му ја избие топката но притоа го зафатил и неговиот глужд.
Во Реал веруваат дека Леко требал да добие жолт картон за неговиот старт, а Роналдо како доказ го покажал својот крвав глужд.
„Ова е срамота. Се надевам дека овој судија повеќе нема да ни суди“ изјавил Роналдо по натпреварот со Динамо.
Исто така не бил задоволен од скандирањето на навивачите на Динамо: Лео + Меси, Лео Меси!
„Љубоморни се, тоа е можеби затоа што сум богат, убав и успешен“ во свој стил изјавил Роналдо.