Талита ван Зон, поранешна девојка на синот на Гадафи, Мутасим, уплашена дека бунтовниците жива ќе ја запалат, скокнала од хотелскиот балкон, и успеала да стигне до хуманитарен конвој кој ја одвел во Малта, каде што била згрижена во болница.
Холандскиот модел и поранешна Плејбој “зајачица” Талитa, последен пат го видела Мутасим пред два дена, пред бунтовниците да го нападнат Триполи, кога тој смирено си пиел виски и “Кока кола” и ја славел “победата над бунтовниците.”
Сепак, следниот ден бунтовниците, со поддршка од НАТО го нападнале Триполи, а Мутасим отишол да се бори за својот татко.
Талитa со Мутасим имала кратка романса во 2004 година. Таа изјавила за Сандеј Телеграф дека била шокиран кога го видела последен пат, бидејќи многу бил променет, и не бил истиот човек што го знаела пред за започнат немирите во Либија.
Талитa изјавила дека Мутасим и овозможувал да патува низ целиот свет и да престојува во најскапите хотели во светот и дека и купувал многу скапи подароци додека биле во врска.
Талитa исто така изјавила дека Мутасим негирал дека либискиот народ е угнетуван, тој кажувал дека Либијците имаат бесплатни училишта и болници, и евтини леб и ориз.
Мутасим, според Талитa бил импресиониран од лидерите како Адолф Хитлер, Хуго Чавез и Фидел Кастро и сакал еден ден и тој да стане лидер како нив.