Менаџерот на продавницата „Sears“ во центарот на Сиетл изјавил дека еден постар маж ги вратил со камата парите кои ги украл во 1940-тите години.
Американската телевизија „ King-TV” пренела дека вчера еден постар маж лично оставил плик адресирано до менаџерот на „Sears“ со порака и банкнота од 100 долари.
Во пораката човекот навел дека тој украл 20-30 долари од касата пред повеќе од 50 години, а сега сака да ги врати со се камата.
Менаџерот на продавницата Гери Лорентсон мисли дека човекот во изминативе 60 години го гризела совеста и дека затоа сакал да ги врати парите.