Мајами – Селина Аронс од Јужна Флорида била шокирана кога и стигнала сметката за мобилен телефон од 201.000 долари.
Иако мислела дека станува збор за грешка, сепак се покажало дека тоа не е така. Всушност, Селина има двајца глувонеми браќа, кои го користеле телефонот за испраќање текстуални пораи, но и за гледање видео снимки од интернет.
Тоа обично и не било проблем бидејќи до сега сето тоа се вклопувало со редовната месечна претплата од 175 долари, но нејзините браќа поминале две недели во Канада, каде користеле и роаминг.
За тоа време тие испратиле преку 2000 текстуални пораки и симнале од интернет многу видео материјали.
Селина го контактирала американскиот T-Mobile, чии услуги таа ги користи, добила детален извештај и се потврдило дека сметката од 201.000 долари е точна. Таа подоцна ја повикала локалната телевизиска станица да ја раскаже својата приказна.
Подоцна телевизијата го повикала и операторот, по што од таму решиле да и ја намалат сметката на 2500 долари и и дале рок да ја плати за шест месеци.