Либиските бунтовници биле пресретнати од жесток отпор од силите лојални на Моамер Гадафи во градот Бани Валид, а некои се сомневаат дека за спорото напредување се одговорни предавници во редовите на бунтовничките сили.
Националниот преоден совет најавил дека Либија нема да ја прогласат за слободна земја се додека не ги ослободат сите гртадови каде што има сили лојални на Гадафи.
Од петок се уште се води битката за Бани Валид, 150 километри југоисточно од Триполи.
Бунтовниците изјавиле дека биле пресретнати од жесток отпор во Бани Валид, но дека сигурно напредуваат кон градот Сирт, родното место на Гадафи.
Еден од војниците изјавил дека силите на Гадафи користеле ракети “grad”, но сепак се надевал дека за кратко време ќе влезат во градот Сирт, пренесува Ројтерс.
Преодната влада испратила дополнителни сили во Бани Валид, а некои веруваат дека има предавници во нивните редови, и се сомневаат дека тоа се борци на локалното племе Варфала.