Рускиот премиер Владимир Путин во понеделникот ги обвинил САД дека живеат надвор од нивните можности, “како паразити на глобалната економија” и изјавил дека доминацијата на доларот претставува закана за финансиските пазари.
– Тие живеат надвор од своите можности, и пренесуваат дел од своите проблеми на светската економија – изјавил Путин, пренесува Ројтерс.
Путин изјавил дека во Русија има голема количина на американски акции и обврзници, така што ако во Америка престане да функционира системот, тоа може да го погоди целиот свет.
– Земјите како Русија и Кина имаат значителен дел од своите резерви во американски хартии од вредност и мислам дека треба да постои и друга резервна валута – изјавил Путин.