Рускиот премиер Владимир Путин, за време на посетата на едно училиште, изјавил дека модерните држави не би требало да ја ограничуваат слободата на користење на интернетот.
Путин истакнал дека државата има средства и начини да ја ограничи слободата на интернетот, но посочил дека тоа не би било во ред од морална гледна точка, известуваат руските медиуми.
– Секогаш е можно да се наметне контрола, но прашање е дали државата има право да интервенира. Во денешниот свет, ништо не можете да ограничите. Едноставно треба поефикасно да се работи во оваа област – изјавил премиерот на Русија, надоврзувајќи се дека владата на Русија треба подобро да го користи интернетот за да се одбрани од критиките кои ќе бидат објавени на нет.