Бизнисмен со скршено срце го „мавна“ најскапиот десерт во светот.
Трговецот со дијаманти Карл Веинингер (60), си се почасти со најскапиот десерт во светот, само поради тоа што го оставила партнерката.
Тој со ова скапо задоволство кое чини 35.000 долари решил да си ги залечи раните од скршеното срце, откако по три години врска го оставила партнерката.
На чоколадниот бисквит се наоѓал пудинг од три вида белгиска чоколада, со вкус на праска, портокал и виски. Украсен со најдобрата црна чоколада, желе од шампањ и злато. Со овој десерт добивате и шише вино, двокаратен дијамант и сето тоа по дена од 35.000 долари.
„Купувањето овој десерт ми го крена расположението“, изјавил бизнисменот. Тој открил и дека му требале само 15 минути за да го изеде колачот, а од слаткарата која го направила овој колач изјавиле дека секој залак чини околу 1200 долари.