Равиоли со Песто крем сос

Состојки,

1 пакетче равиоли

2 лажици маслиново масло

2 лажици мелен лук

1 / 4 чаша растопен путер

2 лажици брашно

2 чаши млеко

1 прстофат сол

1 прстофат бибер

1,  1/2 шолја  рендан пармезан

1 чаша домашно подготвено  песто (ако имате) или една тегличка купено (го има во поголемите супермаркети)

Упатство за подготовка,

1. Во поголемо тенџере ставете вода со сол да зоврие, ставете ги равиолите и варете како што е наведено на упатството, кога ке бидат сварени исцедете ги.

2. Во поголемо тавче на средна температура загрејте го  маслиново масло. Додадете ги лукот и путерот и пржете околу 1 минута.

3. Растворете го брашно во млекото и додадете го во тавчето со путерот и лукот, ставете ги солта и биберот , сето тоа нека врие 4 минути, мешајќи постојано. Додај те го пармезанот и мешајте додека се стопи. На крај ставете го пестото, промешајте и тргнете го тавчето

4. Ставете ги сварените равиоли на чинија и посипете ги со Песто крем сосот. Гарнирајте со малку сецкан магдонос и свеж босилек.