Москва- Руското судство ги отфрли барањата на православните христијани кои бараа од компанијата “Кока Кола” 1,2 милиони евра поради навредлива реклама, пренесува Интерфакс.
Судот во Нижни Новгород, централниот дел на Русија, ја одбил тужбата после разгледувањето, изјавил неименуван извор од судот.
Група верници ја тужат компанијата “Кока Кола” бидејќи во 2007 година на билборди се представени шишиња од пијалокот преку слики на руската црква и православниот крст.
Тие најпрво барале 100.000 евра оштета, потоа оштетата ја зголемиле на 1,2 милиони евра.
Тужбата ја потпишале повеќе од 440 верници и во неа навеле дека компанијата со рекламата ја навредува православната црква и вредностите на рускиот народ.Компанијата “Кока Кола” веднаш после првото судско рочиште ја тргнала рекламата.