Тропска бура Катиа во вторникот го зајакнала својот интензитет над Атлантикот, а во среда веќе би можела да прерасне во ураган, изјавиле од Центарот за урагани. Тие додале дека бурата се наоѓа на околу 2.700 километри источно од Карибите, но и дека се ближи кон брегот. Ветрот дувал со јачина до 90 km / h, а експерти велат дека очекуваат ногово јакнење во текот на денот. Исто така нагласуваат дека Катиа би можела прерасне во ураган од трета категорија, со јачина на ветрот до 190 km / h, известува CNN.