Шинед О’Конор и нејзиното момче Бери Хериџ ќе се венчаат утре на тајна локација. Датата на свадба се совпаѓа со 45-тиот роденден на пејачката која е многу среќна за свадбата, која, наводно, ќе се одржи во Лас Вегас, иако таа не сакаше да открие.
“Со огромна радост, јас и мојот дечко Бери ќе се венчаме утре на тајна локација, на свадбената церемонија од моите соништа. Ќе објавиме неколку слики по церемонијата. Јас сум многу среќна девојка”, напиша пејачката на својот блог. Таа веќе има четири деца и е три пати мажена. Од последниот сопруг, Стив Куни се развела оваа година, но сепак останале во добри односи. “Стив е драга личност, грешката беше во мене. Имавме исклучително среќен брак, моето срце се скрши како што заврши”, изјави таа.