Поранешниот гувернер на Калифорнија, познатиот актер Арнолд Шварценегер, порачал три бронзени статуи кои ќе бидат направени по неговиот лик и ќе потсетуваат на неговото бодибилдерско минато.
Како што пишува лондонскиот “Телеграф”, 67-годишниот актер, кој на 20 години стана Мистер на универзумот, порачал три идентични бронзени статуи , од кои секоја ќе биде висока 2,5 метри и тешка 264 килограми.
Скулптурите ќе бидат идентични на статуата која во негова чест е подиганата во Грац, чиј автор е американскиот уметник Ралф Круфорд.
Една ќе биде поставена во неодамна отворениот музеј позветен на Шварци во неговата родна куќа во австрискиот град австрискиот град Талу, втората ќе стои во главниот град на Охајо, Колумбос, каде што се одржува годишната Арнолд фитнес недела, додека третата тој ќе си ја задржи за себе.
Шварценегер изјави дека сакал себе си да се претстави во поза на бодибилдер, бидејќи тоа му помогнало да ја започне својата успешна кариера во Америка.
-Бодибилдингот ме донесе во Америка, потоа на филм и на крајот до позицијата гувернер, вели Шварци.