Брендон Рајт (21) од Јута, САД го положил сопствениот мотоцикл додека возел со цел да не удри дирекно во BMW кое ненеадејно се појавило пред него, но во тој момент ја изгубил контрола врз мотоциклот и паднал под автомобилот кој се запалил заедно со мотоциклот. За среќа, на повреденото момче веднаш му помогнале случајни минувачи.
Десетина мажи и две жени веднаш дотрчале до запалениот автомобил и го извадиле момчето, кое при сударот ја изгубило свеста.
Јас сум импресиониран. Импресиониран сум од тоа што толку многу луѓе одлучија да интервенираат особено имајќи го во предвид фактот дека станува збор за пламен кој го имаше зафатено предниот дел на автомобилот, изјавил помошникот на началникот на полицијата Џеф Кертис.
– Видов многу крв, особено околу главата и веднаш го повлеков момчето. Многу се плашев бидејќи огнот беше премногу близу до момчето, изјавил еден од минувачите кој учествувал во акцијата за спасување.
И покрај сè, не се сметал за херој.
– Не знам. Јас не мислам дека сум херој. Јас само дојдов во вистински момент да му помогнам на момчето, додал еден од минувачите.
Момчето било во критична состојба и веднаш било пренесено со хеликоптер во блиската болница. Неговиот татко изјавил дека подоцна неговата состојба се стабилизирала, објавил ABC4.