Познато е дека сексот има позитивно влијание како врз расположението и задоволството, така и врз здравјето на луѓето. Водењето љубов ја намалува опасноста од срцев удар кај мажите за 45%, покажуваат последните истражувања. Според нив, предностите на сексот се доведуваат во врска со позитивното физичко и емоционално влијание на телото, а особено на кардиоваскуларниот систем.
Истражувачите од институтот во Масачусетс наведуваат дека мажите кои практикуваат секс два пати неделно имаат за половина помалку шанси да доживеат срцев удар од мажите кои водат љубов само еднаш месечно. Тие утврдиле дека мажите кои имаат зголемена желба за секс, не само што се поздрави, туку имаат и поздрави врски, па со самото тоа се и позаштитени од стресот.
Претходните истражувања покажале дека мажите кои ејакулираат за време на сексуалниот чин, или мастурбацијата, имаат далеку помал ризик од заболување од рак на простатата, и дека сексот два пати неделно за време на зимата го зајакнува имунитетот и ја намалува можноста од настинка или грип.
Што се однесува до жените, редовниот секс до изострува сетилото за мирис така што го стимулира лачењето на хормонот пролактин – механизам кој им помага на мајките да се поврзат со новороденчињата.