Сексот со нов партнер може да биде навистина стресен. Очекувате многу, се плажите да не направите грешка и се срамите отворено да разговарате за вашите желби.
Најважно нешто што треба да запомните е дека доколку сте решиле да бидете интимни со некого, нема потреба да се срамите. Доколку не може да му кажете што сакате во сексот, еве неколку идеи како да му покажете што ве возбудува, без да морате да разговарате за тоа.
Зборувајте со рацете: Не се срамете да ги водите рацете на партнерот до оние места кои ве возбудуваат. Партнерот е како огледало, ве допира онаму каде што сака и вие да го допирате него.
Искористете ја фантазијата: Откријте му ги своите потреби преку сексуалната фантазија. На пример кажете му „Од секогаш сум сакала да…“ или „Би било супер доколку…“.
Дајте му позитивни знаци: доколку нешто во сексот ви се допадне, дајте му знак на одобрување за да продолжи во тој правец. Може да воздивнете, да се насмеете или пак да му кажете дека ви е убаво и дека е на добар пат.
Превземете иницијатива: Слободно превземете иницијатива и не се срамете да предложите поза која вам ви одговара или пак некое друго место за секс надвор од спалната соба.
Внимателно слушајте: Сексот е двосмерна улица, не заборавајте на желбите на вашиот партнер. Внимавајте на знаците кои ги дава неговоро тело, па така ќе знаете што му се допаѓа и што го возбудува.