Ако сакате да знаете каде ќе ви се појават брчки, погледнете во своите родители. Веројатноста за развојот на брчки, како почеток, обемот и длабочината на линијата е под влијание на генетиката. Гледајќи ги своите родители, но и бабата и дедото, можете да предвидите каде и кога ќе се појават брчките. Најдобар начин да се спречи појавата на брчките во критичните места е да се намали излегувањето на сонце но и да користите креми за заштита од сонце кои содржат цинк и титаниум диоксид.
Избегнувајте спиење на истата страна на лицето. Спиењето на истата страна на лицето од ноќ во ноќ може да предизвика појавување на брчки. Едноставен начин да го избегнете тоа е да ја менувата страната на која спиете. Пробајте да спиете на грб.
Влажност на кожата е клучен фактор во борба против брчките
Доволна количина на течности е неопходна на кожата за да биде еластична и мека. Кога е сува, брчките стануваат нагласени, па затоа е многу важно секој ден да пиете многу вода за да обезбедите влажност на кожата.