Џулиен Монтеро, градежен работник, кој пред две години ја загубил својата работа, судбината му се насмевнала во форма Џек-пот со добивка од 425.019 долари, а вложил само 60 центи во слот машина во едно казино во градот Сен Мало, Франција.
Среќниот добитник дошол во ресторанот на казиното за да вечера со својата сопруга, но бидејќи ресторанот бил затворен, одлучил малку да си ја испроба среќата на слот машина.
Во казиното изјавиле дека со години никој немал добиено Џек-пот.
По освојувањето на наградата, Џулиен им рекол на персоналот во казиното дека со парите има намера да патува и да си купи скутер, но најверојатно нема да го напушти социалниот стан каде живее со своите четири деца.