Сакам да имам дом како од бајките, изјави Тамара. Таа додаде дека го сака најдоброто за нејзиното момче, Омар Khyamija брокер (37) и нивните кучиња, кои имаат на располагање центар за убавина и када од кристали.
Богатата наследничка Тамара Еклстон (27), чиј татко Берни и купи куќа во центарот на Лондон која вреди 52 милиони евра, во моментов е преокупирана со нејзината реконструкција. Куќата од 55 соби поседува дискотека, куглана, салон за убавина и спа центар за своите кучиња. Ќерката на сопственикот на Формула 1 за реновирањето ќе потроши 21 милиони евра.
И покрај тоа што има неколку гардероби, Тамара побарала од архитектот наместо плакар да и направи целосна просторија за облека и обувки. Таа неодамна се пофали дека нејзината скапа облека ја облекува само еднаш, а потоа ја дава на сиромашните. Куќата има лифт кој е поврзан со гаражата, па таа и нејзините гости не треба да се симнуваат по скали за да стигнат до возилата.
Од Јужна Америка нарачала када со Swarovski кристали, која чини 1.064.000 евра. Под куќата се наоѓа огромен базен со фонтани. Уште од летото во куќата работат 80 работници, а работата според планот ќе биде завршена следната есен.
