Слаѓан Стаменковиќ од Врање, сексуално и брутално ја злоупотребувал својата пет годишна ќерка Катерина, а му беше изречена судска мерка – психијатриско лекување. Стаменковиќ беше прогласен за луд.
Слаѓан Стаменковиќ од Врање, кој во 2003 година сексуално ја злоупотребувал и на крај ја убил својата пет годишна ќерка Катерина, нема да оди во затвор, бидејќи судот донесе одлука дека е потребно да се испрати на психијатриско лекување во затворската здравствена установа!
Судот во Врање ја изрече оваа одлука врз основа на наодите на судските вештаци.
– Конечна пресуда не може да се донесе бидејќи според наодите на судските вештаци, Слаѓан е неурамнотежена личност. Вештачењето беше спроведено во специјализирана психијатриска болница во Ниш, каде што Стаменковиќ беше сместен по неговото апсење.
Истрагата покажа дека Слаѓан Стаменковиќ сексуално ја злоупотребувал, а потоа ја убил својата пет годишна ќерка Катерина во текот на ноќта меѓу 4 и 5 август 2003 година.
– Кетрина беше задавена во текот на вечерта на 4 август 2003 година, а нејзиното тело покриен со трева и гранки беше пронајдено следниот ден во 300 метри од семејниот дом. На почетокот на истрагата, сомнежот паднал на таткото на Катарина, кој извесно време бил пациент во болницата во Врање поради психијатриски проблеми.
После смртта Стаменковиќ беше на испитување и лекување во Специјализираната психијатриска болница во Ниш.
– Против него беше подигната истрага во септември 2005 година, но наодите од извршената обдукција и ДНК анализа на стручњаците од белградскиот Биолошко-хемиски факултети не беа доволни за да се утврди кој всушност го извршил бруталното убиство на малата Катерина. Сепак до Суд во Врање биле доставени нови извештаи за ДНК анализа која што била направена врз основа на пронајдените траги на облеката на жртвата и на самото место на злосторството. Поради тоа, Јавното обвинителство поднесе тужба против таткото на девојчето – ни изјави нашиот судски извор.
Девојчето било загушено со перница, а нејзиното тело најпрво го оставил под креветот, а тој преспал неколку часа после убиството!
– Се претпоставува дека некаде после полноќ телото на девојчето било изнесено од куќата и фрлено во околните грмушки, каде подоцна беше пронајдено. Таткото, наводно не бил сигурен дали Кетрина е негово дете – рече нашиот соговорник.
Соседите го опишаа Стаменковиќ како нестабилна и конфликтна личност.
– Често беше пијан, а повремено ја малтретираше и тепаше својата сопруга Даниел. Ние сме изненадени од одлуката на судот. За ова кривично дело требаше да биде осуден на доживотен затвор – раскажуваат соседите.