Едно бебе во Јапонија го преживеало падот од 10-ти спрат и било во одлична состојба и неповредено, откако таткото го фрлил од прозорецот, соопштиле јапонските медиуми.
Едногодишното бебе паднало во големите грмушки кои му го спасиле животот, а полицајците го пронашле поради неговото силно плачење.
Полицијата го уапсила таткото под обвинение за обид за убиство.
„Се обидов да си го убијам синот. Прво се обидов да го задавам, а потоа го фрлив од прозорецот“, изјавил таткото монструм, 37 годишниот Шинго Хашимото.
На таткото ќе му се суди, а семејството изјавило дека во последно време тој бил многу вознемирен поради работата.