Луциус Фостер би можел да го помине остатокот од животот зад решетки. 89-годишниот татко на актерката Џоди Фостер би можел да добие 20 години затвор за финансиска измама со која им наштетил на дваесетина инвеститори. Според обвинението, Фостер нечесно заработил повеќе од $ 130,000. Во четвртокот тој се појавил во судот каде што обвинителот Дан Цоцек го нарече “лажго и измамник.”
Луциус пронаоѓал клиенти и ги убедувал да платат однапред по пет илјади долари за евтини станови кои планирал да ги изгради. Тој планирал да се изградат трособни станови од метални контејнери од Кина, но работата никогаш не ја завршил. Фостер и неговата ќерка Џоди не се во добри односи, односно Луциус ја напуштил нејзината мајка кога била неколку месеци бремена со актерката. Соочен со тужбата, Фостер има намера сам да се брани.