Тојота ќе повлече речиси 1,7 милиони возила од целиот свет, поради различни недостатоци кои можат да предизвикаат протекување на гориво, а со тоа се јавува уште едно масовно повлекување на возила од оваа компанија. Компанијата објавила дека се повлекуваат широк спектар на модели, вклучувајќи IS и GS Лексус луксузните модели во Америка, Авенсис седан и караван моделите во Европа. Дефектите се несоодветна инсталација на сензорот за мерење на притисокот на горивото, неправилно работење на цевките за гориво, од кое може да се дојде до пукнатини и истекување. Според Тојота, досега немало несреќи предизвикани од дефектите. Најголемиот борј од погодени дефектни возила е сепак во Јапонија, приближно 1,3 милиони, со што ова е второ по големина повлекување на возила во историјата на автомобилската индустрија.