Девојката на Џастин Бибер, Селена Гомез добила сериозна смртна закана од страна на Томас Бродницки… Одделот за справување со закани на полицијата во Лос Анџелес, му забраниле на Томас во нкој случај да не и се доближи на младата пејачка.
46-годишниот Томас Бродницки – човек со богата криминална историја- наводно му кажал на својот психијатар дека тој сака да ја убие Селена.
Според изјавите на Селена и нејзиниот адвокат, Блер Берк … Бродницки му кажал на својот психијатар дека тој патувал од Чикаго до Лос Анџелес за да се сретне со неа, односно да го посети нејзиното работно место, и изјавил дека водел разговори со Господ за нејзиното убиство. Селена вели дека е во “екстремен страв”, верувајќи дека тој ќе го изврши убиството доколку не е запрен на време.
Селена и нејзиниот адвокат тврдат дека Бродницки бил на ментално испитување минатиот месец, откако тој наводно се заканувал дека ” ќе им ги вади очите на луѓето што случајно ќе ги сретне.” Бродницки наводно и се заканил на Гомез за време на неговото ментално испитување.
Според судските документи, детективите од полицијата во Лос Анџелес ја земаат предвид ситуацијата крајно сериозно, од аспект на менталната состојба на Бродницки и историјата со закани.