Според британските медиуми, еден британец починал во својата бања, додека неговиот син и сопругата воделе љубов во хотелска соба.
Полицијата соопштила дека по деталната истрага и испрашување на 25 сведоци, не е откриено како 52 годишниот Реј Ли во октомври 2008 година се удавил во својата када.
Патолозите откриле дека на денот на неговата смрт, тој наводно, измешал лекови против болка со кокаин, екстази и амфетамини, што веројатно влијаеле за тој да се предозира. Големиот Реј, како што најчесто го викале блиските пријатели, по една несреќа во 1990 година, редовно почнал да зима лекарства против болки во грбот.
Неговиот 23 годишен син, Малиот Реј, и втората сопруга на Реј, Илона (38) заедно заминале од куќата неколку часа пред трагедијата. Според зборовите на сопругата, тие прво посетиле еден пријател, а потоа заминале во хотел, каде преспале. Но, кога се вратиле дома, тие се шокирале.
„Беше очигледно дека е мртов. Главата му беше под водата и не се мрдаше“, изјавила Илона, откривајќи дека со синот на Реј имала афера, за која сопругот незнаел ништо, а дека врската ја продолжиле и по неговата смрт.
Детективите не успеале да најдат докази за било какво кривично дело, но сепак околностите за неговата смрт остануваат непознати.