Познатиот британски актер Роберт Патинсон, попознат како вампирот Едвард од трилогијата „Самрак“, повторно се најде во прегратките на својата љубена Кристен Стјуард, односно нежната Бела.
Познатиот пар конечно повторно се соедини во Лондон, каде заедно присуствуваа на крштевка кај еден нивен заеднички пријател. Според очевидците, младите „гулапчиња“ навистина изгледале заљубено, а биле особено љубезни кон нивните фанови.
Двојката ја паметиме по огромната љубов од филмовите „Самрак“, која набрзо се пренесе и во нивната реалност. Во последно време се поретко ги гледавме заедно, најверојатно заради многубројните обврски кои ги имаат со тековните проекти. Иако се појавија гласини за нивната разделба, Роб и Кристен покажаа дека сеуште се сакаат. Се надеваме дека нивната љубов ќе ги издржи сите препреки.